नवलोकहित दृष्टी

  पनवेल तालुका पत्रकार एकत्रीकरण संस्थेला ना. मोहोळ यांचे ठोस आश्वासन  प्रकल्पग्रस्तांच्या भावनांचा केंद्र सरकारकडून आदर होणार : ना.मोहोळ पनवेल / प्रतिनिधी - : पनवेल तालुका पत्रकार एकत्रीकरण समितीच्या वतीने विमानतळाला दिबांच्या नावासाठी आज पुणे येथे केंद्रीय नागरी हवाई उड्डाण राज्यमंत्री ना. मुरलीधर मोहोळ यांची भेट घेतली असता ना. मोहोळ यांनी नवीमुंबई आंतरराष्ट्रीय विमानतळाला स्व. लोकनेते दि. बा. पाटील यांचेच नाव लागणार असल्याचे ठोस आश्वासन दिले. यावेळी ना. मुरलीधर मोहोळ यांनी राज्य शासनाच्या प्रस्तावाचा आधार घेत, दि. बां.च्या नावासाठी प्रकल्पग्रस्तांच्या भावनांचा आदर केला जाणार असल्याचेही सांगितले. रविवारी पुणे येथे ना. मुरलीधर मोहोळ यांची पनवेल तालुका पत्रकार एकत्रीकरण संस्थेच्या पदाधिकाऱ्यांनी भेट घेतली असता त्यांनी पत्रकारांना आश्वासित केले.  यावेळी पनवेल तालुका पत्रकार एकत्रीकरण संस्थेच्यावतीने नवीमुंबई आंतरराष्ट्रीय विमानतळाला स्व. लोकनेते दि.बा.पाटील यांचे नाव मिळेपर्यंत आमचा लढा सुरूच राहणार असल्याचे सांगितले. तसेच यापुढेही मुंबई मंत्रालयावरील पायी मोर्चा, दिल्ली...

    रायडर कामगारांवरील अन्यायकारक वागणुकीवर आमदार प्रशांत ठाकूर यांची तीव्र भूमिका पनवेल(प्रतिनिधी) पनवेल येथील झेप्टो कामगारांना पूर्ववत कामावर घेण्याबरोबर त्यांना न्यायिक सुविधा न दिल्यास तीव्र आंदोलन करण्याचा ठाम ईशारा आमदार प्रशांत ठाकूर यांनी झेप्टो व्यवस्थापनाला दिला आहे.      अचानक आयडी रद्द करणे, विमा व अपघात संरक्षेचा अभाव, अन्यायकारक दंड आकारणी तसेच कामाच्या पद्धतीत मनमानी बदल या समस्या कामगारांना भेडसावत आहे. झेप्टो पनवेल न्यू स्टोअर येथे काम करणाऱ्या १५ रायडर कामगारांवर होत असलेल्या अन्यायकारक वागणुकीविरोधात आमदार प्रशांत ठाकूर यांनी कंपनी व्यवस्थापनाला पत्र देत गंभीर प्रश्न उपस्थित केले आहेत.  “क्विक-कॉमर्स क्षेत्राचा कणा हे रायडरच आहेत. मुंबईत याआधी स्विगी (२०२३ साली), ब्लिंकिट (२०२४ साली) व झोमॅटो (२०१९ साली ) यांच्या रायडर्सनी आंदोलन केलेले आहे. आता पनवेलमध्येही अशीच परिस्थिती उद्भवू नये म्हणून आवाज उठविण्यात आले असून यावर झेप्टो व्यवस्थापनाने कामगारांसाठी सकारात्मक कार्यवाही न केल्यास रायडर व त्यांच्या कुटुंबांसह आंदोलन केले जाईल आणि स्टोअर...

    पनवेल : राज्यातील अनेक भागात आलेल्या पुरामुळे मोठ्या प्रमाणावर जनजीवन विस्कळीत झाले आहे. शेतकरी ते विद्यार्थी सर्वांवरच या आपत्तीचे गंभीर परिणाम झाले असून, अनेकांचे संसार उद्ध्वस्त झाले आहेत. राज्य सरकार आणि प्रशासनाकडून मदतकार्य सुरू असले तरी सामाजिक संस्थाही या संकटाच्या काळात पुढे सरसावत आहेत.याच पार्श्वभूमीवर पनवेलमधील भाजपा नेते श्री.प्रितम जनार्दन म्हात्रे यांच्या जे.एम. म्हात्रे चॅरिटेबल संस्थेच्या तर्फे पूरग्रस्त बांधवांना मदतीचे आवाहन करण्यात आले आहे. संस्थेचे अध्यक्ष श्री. प्रितम जनार्दन म्हात्रे यांनी सांगितले की, “एका वृत्तवाहिनीवरील मुलाखतीत एका लहान चिमुरडीने माझे शालेय साहित्य वाहून गेले, मला जगायचे आहे अशी साद व्यक्त केली. त्या चिमुरडीचे शब्द ऐकून मन हेलावले. अशा परिस्थितीत पूरग्रस्त विद्यार्थ्यांना शैक्षणिक मदतीची आज अत्यंत गरज आहे.”यासाठी संस्थेच्या माध्यमातून शालेय साहित्य, वह्या, पुस्तके, पेन, पेन्सिली, बॅग आदी वस्तू तसेच आवश्यक जीवनोपयोगी वस्तू दान करण्याचे आवाहन करण्यात आले आहे.          श्री. म्हात्रे यांनी पुढे सांगितले की, ...

  पनवेल / प्रतिनिधी : पनवेल तालुका पत्रकार विकास मंचाच्या वतीने यंदाच्या वर्षी रायगड जिल्हा परिषदेच्या वतीने दिला जाणारा आदर्श शिक्षका पुरस्कार जाहीर झाल्याबद्दल योगिनी वैदू यांचा सत्कार करण्यात आला. प्रतिवर्षी शिक्षक दिनाच्या निमित्ताने जिल्ह्यातील प्रत्येक तालुक्यातून एका आदर्श शिक्षकाची निवड केली जाते. सन २०२५ - २६ या वर्षासाठी पनवेल तालुक्यातून योगिनी वैदू यांना आदर्श शिक्षिका म्हणून पुरस्कार जाहीर झाल्याची नुकतीच घोषणा करण्यात आली होती.              पनवेल तालुका पत्रकार विकास मंचाचे सल्लागार तथा ज्येष्ठ पत्रकार माधव पाटील यांच्या कार्यालयात मंगळवार दिनांक २३ सप्टेंबर रोजी सदर सत्कार सन्मान पार पडला. यावेळी सत्काराला उत्तर देताना योगिनी वैदू म्हणाल्या की पनवेल तालुका पत्रकार मंचासारख्या प्रथितयश संस्थेने माझ्या कार्याची आणि त्या अनुषंगाने मिळालेल्या पुरस्काराची दखल घेतली ही खरोखरच खूप अभिमानास्पद बाब आहे. शैक्षणिक आणि सामाजिक क्षेत्रामध्ये काम करत असताना अशा पद्धतीने पाठीवर कौतुकाची थाप पडल्यानंतर आपले कार्य अधिक जोमाने करण्याची उर्मी मिळते. ...

पनवेल (प्रतिनिधी) पद्मभूषण डॉक्टर कर्मवीर भाऊराव पाटील यांनी रयत शिक्षण संस्था घडवली आणि त्यांचा आदर्श घेऊन घडलेल्या वासरदारांनी ही संस्था मोठी केली असे प्रतिपादन रयत शिक्षण संस्थेचे मॅनेजिंग कौन्सिल सदस्य लोकनेते रामशेठ ठाकूर यांनी बुधवारी उलवे येथे कार्यक्रमात केले तसेच येत्या काळामध्ये सौ. शकुंतला रामशेठ ठाकूर स्कूल हे नवी मुंबईतील प्रथीतयश स्कूल म्हणून उज्वल यश संपादन करणार असा विश्वास व्यक्त करून कर्मवीर भाऊराव पाटील यांचा आदर्श घेऊन आपण पुढे मार्गक्रमण करायचे आहे असा सल्ला विद्यार्थ्यांना दिला.         उलवे येथील रयत शिक्षण संस्थेच्या सौ. शकुंतला रामशेठ ठाकूर स्कूल सीबीएससी व मराठी माध्यम विद्यालयाच्यावतीने पद्मभूषण कर्मवीर भाऊराव पाटील यांची १३८ जयंती आणि पारितोषिक वितरण समारंभ बुधवारी मोठ्या उत्साहात साजरा झाला. हा सोहळा लोकनेते रामशेठ ठाकूर यांच्या अध्यक्षतेखाली संपन्न झाला. या कार्यक्रमाला संस्थेचे जनरल बॉडी सदस्य वाय. टी. देशमुख, जनरल बॉडी सदस्य महेंद्र घरत, प्रमुख वक्ते दिनेश सासवडे, मॅनेजिंग कौन्सिल सदस्या ज्योत्स्ना ठाकूर, सीबीएसई विद्यालयाचे चेअरमन परे...

    उरण दि २५(विठ्ठल ममताबादे )आंतरराष्ट्रीय कामगार नेते आणि कॉंग्रेसचे रायगड जिल्हाध्यक्ष महेंद्रशेठ घरत यांनी सोमवारी (ता. २२) नवरात्रोत्सवानिमित्त वैष्णोदेवीचे पहिल्याच दिवशी दर्शन घेतले. सकाळी पहाटेच वैष्णोदेवीचे दर्शन झाल्याने त्यांना अत्यानंद झाला. यावेळी ते म्हणाले, "वैष्णोदेवीचे शारदीय नवरात्रोत्सवात पहिल्याच दिवशी दर्शन घेण्याचा नित्यक्रम गेली २१ वर्षे अखंडपणे सुरू आहे. तो यापुढेही कायम राहील. देवीच्या दर्शनाने मला नवीन ऊर्जा मिळते. माझी अधिकाधिक भरभराट होते, हा माझा अनुभव आहे." दरम्यान, वैष्णोदेवीचे दर्शन घेऊन आल्यानंतर महेंद्रशेठ घरत यांनी उरण, पनवेलमधील अनेक गावांत जाऊन सार्वजनिक नवरात्रोत्सव मंडळांना भेट देऊन देवीचे दर्शन घेतले. अनेक नवरात्रोत्सव मंडळांना यावेळी त्यांनी यथोचित देणगीही दिली. उरणमधील मा वैष्णो दरबार मंदिरात नवरात्रोत्सवानिमित्त कालिकामाता आणि सरस्वती देवी यांच्या मूर्तींची प्रतिष्ठापना महेंद्रशेठ घरत यांच्या हस्ते करण्यात आली. यावेळी महिलांनी महेंद्रशेठ घरत यांचे आरती ओवाळून स्वागत केले.

  पनवेल (हरेश साठे) मराठी साहित्यात दिवाळी अंकाचे स्थान अत्यंत महत्त्वाचे आहे. दिवाळी ही केवळ फराळ, फटाके व आनंदसोहळ्यापुरती मर्यादित नसून, दिवाळी अंकांच्या माध्यमातून ज्ञान, विचार, साहित्य व संस्कृतीचे जतन आणि संवर्धन करण्याची परंपरा आहे. त्यामुळे दिवाळी सण दिवाळी अंकाच्या अनुषंगाने ज्ञानाची सुद्धा आहे, असे प्रतिपादन महाराष्ट्र राज्य साहित्य आणि संस्कृती मंडळाचे अध्यक्ष सदानंद मोरे यांनी (दि. २५) येथे केले. सामाजिक, शैक्षणिक, कला, क्रीडा, सांस्कृतिक अशा विविध समाजोपयोगी क्षेत्रांमध्ये उल्लेखनीय कामगिरी बजावणारे श्री. रामशेठ ठाकूर सामाजिक विकास मंडळ आणि मुंबई मराठी पत्रकार संघ यांच्या संयुक्त विद्यमाने आयोजित २४ व्या राज्यस्तरीय व रायगड जिल्हास्तरीय दिवाळी अंक स्पर्धेचा पारितोषिक वितरण सोहळा पनवेल शहरातील आद्य क्रांतिवीर वासुदेव बळवंत फडके नाट्यगृहात माजी खासदार लोकनेते ठाकूर यांच्या अध्यक्षतेखाली मोठ्या उत्साहात आणि समारंभपुर्वक पार पडला. यावेळी दिवाळी अंक प्रदर्शनाचे उदघाटनही सदानंद मोरे यांच्या हस्ते झाले. त्यावेळी प्रमुख पाहुणे म्हणून ते बोलत होते.       ...

  खारघर/प्रतिनिधी दि.२७-खारघर परिसरामध्ये दिवसेंदिवस वाढणाऱ्या वाहनसंख्येमुळे प्रवेशमार्गावर मोठ्या प्रमाणावर वाहतूक कोंडी निर्माण होत आहे. सध्या हिरानंदानी फ्लायओव्हर व कोपरा फ्लायओव्हर हे दोनच प्रमुख मार्ग उपलब्ध असल्यामुळे या मार्गावर सतत मोठ्या प्रमाणावर वाहने ये-जा करत असून, नेहमीच वाहतूक कोंडीचे चित्र दिसून येते. यावर तोडगा म्हणून स्थानिक नागरिकांनी सायन-पनवेल महामार्गावरील मेडीसिटी रुग्णालयासमोरून नवीन रस्ता उपलब्ध करून देण्याची मागणी केली आहे. हा रस्ता तयार झाल्यास खारघरमध्ये प्रवेशासाठी तीन प्रमुख मार्ग (हिरानंदानी, कोपरा व मेडीसिटी रस्ता) उपलब्ध होतील. त्यामुळे वाहतूक कोंडी मोठ्या प्रमाणावर कमी होऊन खारघरकरांना दिलासा मिळेल. ही मागणी गांभीर्याने विचारात घेऊन संबंधित प्रशासनाने तातडीने नवा रस्ता उपलब्ध करून द्यावा, अशी विनंती भारतीय जनता पार्टी रायगड उत्तर जिल्हा सचिव ब्रिजेश पटेल यांनी सिडकोच्या व्यवस्थापकीय संचालकांना निवेदनाद्वारे आहे.

  पनवेल दि.१९ (वार्ताहर) : जानेवारी २०२६ मध्ये होऊ घातलेल्या पनवेल महापालिका निवडणुकीत खारघर प्रभाग क्रमांक सहामधून कर्तव्यदक्ष ज्याच्या रक्तातच समाजसेवेची नळ जोडली आहे असे शिवसेना (उबाठा) चे खारघर वसाहतीमधील शहर प्रमुख गुरुनाथ पाटील हे निवडणुक लढविणार असल्याची जोरदार चर्चा चर्चा सुरू आहे. त्यामुळे येथील जनतेत आनंदाचे वातावरण आहे. गुरुनाथ पाटील हे जनतेच्या सेवेतून उभारते नेतृत्व आहे. हिंदू हृदयसम्राट बाळासाहेब ठाकरे यांच्या विचाराने प्रभावित होऊन त्यांनी युवा वयातच शिवसेनेशी नाल जोडली. आणि मग त्यातून जनतेची सेवा घडत गेली. कोरोना काळात जेवढी मदत करता येईल तेवढी करता कोणीही उपाशीपोटी राहणार नाही याची काळजी घेतली. प्रभाग क्रमांक सहा मधील उद्याने किंवा परिसर साफ करताना त्यांनी पालिकेला धारेवर धरले आहे. आपल्या परिसरात पाणी टंचाई असेल तर टँकरने पाणी पुरवठा करत आले आहे. प्रत्येक सोसायटीमध्ये एक, दोन ट्रान्सपोर्ट वाले राहत आहेत. या वाहतूकदारांना गुरुनाथ पाटील यांनी सहकार्य केले नाही असे होणार नाही. चोवीस तास सेवेत राहून वाहतूकदारांची कोणतीही समस्या असू त्यासाठी ते धावून येत आहेत. वीज, कचरा...

  पनवेल / प्रतिनिधी : पनवेल तालुक्यात झालेल्या बोगस पत्रकारांचा सुळसुळाट आणि शासकीय, राजकीय, शैक्षणिक क्षेत्रात पत्रकारिता क्षेत्राबाबत झालेले चुकीचे गैरसमज, यावर उपाययोजना करण्याची इच्छा पनवेल तालुक्यातील अनेक जेष्ठ पत्रकारांसह नवोदित पत्रकारांनी व्यक्त केली. त्यानुसार पनवेल तालुक्यातील पत्रकारांना एकसंघ करण्याच्या दृष्टिकोनातून तालुक्यातील सर्वच पत्रकारांचे एकत्र विचार व उपाययोजना करण्यासाठी तसेच आपल्या सूचना मांडण्यासाठी शुक्रवार दिनांक १९ सप्टेंबर २०२५ रोजी सकाळी १० वाजता शासकीय विश्रामगृह, पनवेल येथे चर्चासत्राचे आयोजन करण्यात आले होते. या चर्चासत्रात पनवेल तालुक्यातील सर्व पत्रकारांनी आवर्जून उपस्थित दाखवून तालुक्यातील ५० हुन अधिक पत्रकार हे एका छताखाली जमले आणि एक तालुका एकसंघ करण्याच्या दृष्टीने विचारविनिमय करण्यात आला. चर्चासत्राच्या सुरुवातीलाच दिवंगत पत्रकार किरण बाथम यांना श्रद्धांजली अर्पण करण्यात आली. तसेच साम टीव्हीचे पत्रकार विकास मिरगणे यांच्यावर मुंबई येथे पोलीस खात्याकडून झालेल्या हल्ल्याचा निषेध करण्यात आला. या चर्चासत्रात जेष्ठ पत्रकार माधवराव पाटील, जेष्ठ पत्र...

पनवेल/प्रतिनिधी,दि.१३-पनवेल महानगरपालिका कार्यक्षेत्रातील प्रभाग समिती – अ(खारघर), ब (कळंबोली),क (कामोठे) , ड( खारघर) मधील विविध भुखंडांवर दैनिक बाजार बांधण्याचे प्रस्तावित करण्यात आले आहे. सिडको प्राधिकरणाकडुन दैनिक बाजार बांधकामाकरीता भूखंड उपलब्ध झाले आहे. सदर भुखंडांवर बऱ्याच काळापासून तात्पुरत्या बांधकामासह बाजारपेठा सुरु आहेत. आयुक्त तथा प्रशासक मंगेश चितळे यांच्या निर्देशानूसार याठिकाणी नव्याने कायम स्वरुपी बांधकाम करुन दैनिक बाजार बांधण्याचे प्रस्तावित आहे. ज्यामुळे नागरिकांना बाजारांची चांगली व सहजपणे व सोयीस्कर सुविधा उपलब्ध होणार आहे.         पनवेल महानगरपालिका कार्यक्षेत्रातील खारघर प्रभाग अ मध्ये सेक्टर 3,4,6,11,12,15 व 20 मधील एकुण 15 ठिकाणी गरजेनूसार विविध ओटेसंख्या असलेले दैनिक बाजार बांधण्यात येणार आहे. या दैनिक बाजारांसाठीच्या अंदाजपत्रकास प्रशासकीय व आर्थिक मंजुरी देखील मिळाली आहे. येत्या काही दिवसांमध्ये हे काम पूर्ण होऊन नागरिकांच्या सेवेत प्रशस्त, रेखीव असे दैनिक बाजार उपलब्ध होणार आहेत. याप्रमाणेच कळंबोली प्रभाग ब मध्ये सेक्टर 2,2ई, 5ई, 6,...

  पनवेल (प्रतिनिधी) मुंबई विद्यापीठाने 'सर्वोत्कृष्ट ग्रामीण महाविद्यालय' पुरस्कारासाठी मोखाडा येथील रयत शिक्षण संस्थेच्या लोकनेते रामशेठ ठाकूर कला, विज्ञान आणि वाणिज्य महाविद्यालयाची निवड जाहीर केली आहे. उच्च दर्जाचे शिक्षण आणि ग्रामीण भागात शिक्षण क्षेत्रात केलेल्या उल्लेखनीय कामगिरीबद्दल महाविद्यालयाला हा पुरस्कार प्रदान करण्यात येणार आहे. या पुरस्काराचे वितरण सोमवार दिनांक १५ सप्टेंबर रोजी सकाळी ११ वाजता मुंबई विद्यापीठाच्या कलिना कॅम्पसमधील ग्रीन टेक्नॉलॉजी ऑडिटोरियम येथे एका विशेष समारंभात होणार आहे. तसे पत्र मुंबई विद्यापीठाचे रजिस्टार डॉ. प्रसाद कारंडे यांनी महाविद्यालयाला दिले आहे.       थोर देणगीदार तसेच महाविद्यालयाचे विकास समितीचे प्रमुख व रयत शिक्षण संस्थेचे ज्येष्ठ मॅनेजिंग कौन्सिल सदस्य माजी खासदार लोकनेते रामशेठ ठाकूर यांनी मोखाडा महाविद्यालयाच्या विकासासाठी मोठे योगदान दिले आहे. या ठिकाणी दर्जेदार शिक्षण विद्यार्थ्यांना मिळत आहे, त्या अनुषंगाने या महाविद्यालयाने प्रगती साधली. अत्यंत दुर्गम भागात असलेल्या या परिसरात विद्यार्थ्यांची तसेच शिक्षक आण...

  पनवेल (प्रतिनिधी) महाराष्ट्र नॉलेज कॉर्पोरेशन लिमिटेड (एमकेसीएल) आयोजित प्रादेशिक बैठक पनवेल येथे उत्साहपूर्ण वातावरणात पार पडली. या बैठकीत राज्यातील सुमारे २०० केंद्रांचे एएलसी समन्वयक सहभागी झाले होते. विविध शैक्षणिक उपक्रमांचे सादरीकरण, अनुभवांची देवाणघेवाण तसेच आगामी योजनांवर सखोल चर्चा या बैठकीत करण्यात आली. भविष्यात पनवेल परिसरात आर्टिफिशियल इंटेलिजन्स (एआय) चा प्रसार वेगाने करण्याचे ध्येय आमदार प्रशांत ठाकूर यांनी व्यक्त केले. या पार्श्वभूमीवर ही बैठक महत्त्वपूर्ण ठरली. आद्य क्रांतिवीर वासुदेव बळवंत फडके नाट्यगृहात गुरुवारी (दि. ११) झालेल्या या बैठकीच्या उद्घाटन सत्रात मान्यवरांचे स्वागत व सत्कार करण्यात आला. एमकेसीएलचे व्यवस्थापकीय संचालक समीर पांडे यांनी आपल्या सादरीकरणातून एआयच्या मदतीने केंद्रांना नवनवीन संधी उपलब्ध होणार असल्याचे स्पष्ट केले. विद्यार्थ्यांशी संवाद अधिक प्रभावीपणे साधण्यासाठी, मार्केटिंग अधिक स्मार्ट पद्धतीने राबवण्यासाठी तसेच व्यवसायवृद्धीसाठी एआयचा प्रभावी वापर करता येईल, असे त्यांनी सांगितले. बैठकीत शिक्षण, कौशल्यविकास आणि नवे तंत्रज्ञान यांमधील सं...

  पनवेल (प्रतिनिधी) लोकप्रिय पंतप्रधान नरेंद्र मोदी यांच्या वाढदिवसानिमित्त भारतीय जनता पार्टी पनवेल तालुका, संस्कार भारती पनवेल महानगर, संस्कृत भारती पनवेल यांच्या वतीने श्रीगुरुकुलम् न्यासतर्फे श्रीमद् भगवद गीता पाठ महायज्ञ उत्साहात संपन्न झाला. धार्मिक वातावरणात गीतेच्या श्लोकांचे पठण करून पंतप्रधान नरेंद्र मोदी यांना निरोगी दीर्घायुष्यासाठी, देश, राज्य व समाजाच्या कल्याणासाठी सामूहिक प्रार्थना करण्यात आली. या संस्कारमय कार्यक्रमाला भाजपचे प्रदेश अध्यक्ष आमदार रवींद्र चव्हाण यांची प्रमुख उपस्थिती लाभली. या महायज्ञाचे आयोजन पनवेलचे आमदार प्रशांत ठाकूर यांच्या सहकार्याने करण्यात आले होते.            आज सकाळी श्री. विरुपाक्ष मंगल कार्यालय येथे "श्रीमद् भगवद् गीता पाठ महायज्ञ" संपन्न झाले. तसेच एकाच वेळी २०० हुन अधिक जणांनी एकत्र येऊन श्रीमत भगवद गीतेतील सर्व श्लोकांचे लयबद्ध पठण करून गीतेच्या ज्ञानाचा दिव्य अनुभव घेतला. सकाळपासूनच भाविकांनी मोठ्या संख्येने उपस्थित राहून गीतेच्या श्लोकांमध्ये सहभाग नोंदवला. यज्ञस्थळी मंत्रोच्चार आणि वेदघोष यामुळे परिसर...

  पनवेल ता.14( बातमीदार) मावळ लोकसभेचे खासदार श्रीरंग आप्पा बारणे, जिल्हा प्रमुख रामदासजी शेवाळे आणि शहर प्रमुख तुकाराम सरक यांच्या उपस्थितीत शेतकरी कामगार पक्षाचे तुषार जाधव आणि भारतीय जनता पार्टीचे कार्यकर्ते माधव एरोळे यांच्यासह अनेक कार्यकर्त्यांनी शिवसेनेत जाहीर पक्ष प्रवेश केला. या पक्षप्रवेशामुळे कळंबोलीतील शिवसेनेची ताकद लक्षणीयरीत्या वाढली असून आगामी निवडणुकांसाठी कार्यकर्त्यांमध्ये नवचैतन्य निर्माण झाले आहे. पक्षप्रवेशावेळी उपस्थित शिवसैनिकांनी नवागत कार्यकर्त्यांचे उत्साहाने स्वागत केले.        या प्रसंगी खासदार श्रीरंग बारणे यांनी सांगितले की, “कळंबोलीत शिवसेनेची पकड अधिक मजबूत करण्यासाठी हा पक्षप्रवेश महत्त्वपूर्ण ठरेल. स्थानिक प्रश्न सोडवण्यासाठी आणि विकासकामांना गती देण्यासाठी नव्या कार्यकर्त्यांची साथ मिळणे ही संघटनेसाठी सकारात्मक बाब आहे. तुषार जाधव, महादेव एरोळे यांच्यासह ऋतिक कुंभार, प्रशांत पाटील, पियुष तिवारी, अब्दुल शेख, विशाल बोराडे यांनी प्रवेश केला         कार्यक्रमाला विभाग प्रमुख निलेश दिसले रामदास शेवाळे प्रत...