नवलोकहित दृष्टी

  पनवेल (प्रतिनिधी) पनवेल महानगरपालिका सार्वत्रिक निवडणूक २०२५ या स्थानिक स्वराज्य संस्था निवडणुकीसाठी माजी खासदार लोकनेते रामशेठ ठाकूर यांची निवडणूक प्रभारीपदी तर आमदार महेश बालदी यांची निवडणूक प्रमुखपदी नियुक्ती करण्यात आली आहे. दैदिप्यमान विजय आणि लोकनेते रामशेठ ठाकूर व आमदार महेश बालदी हे समीकरण कायम राहिले आहे. त्यामुळे पुन्हा एकदा पनवेल महापालिकेत भाजपच्या मोठ्या विजय होणार आहे.           आपल्या संघटन कौशल्याने भाजपचे जास्तीत जास्त उमेदवार निवडून येण्याकरिता सर्वांना सोबत घेऊन अथक परिश्रम कराल, असा विश्वास भाजप प्रदेशाध्यक्ष रवींद्र चव्हाण यांनी दिलेल्या दोघांच्याही नियुक्तीपत्रातून व्यक्त करण्यात आलेला आहे. दरम्यान, पक्षाच्या या महत्त्वपूर्ण जबाबदारीसाठी नियुक्ती झाल्याबद्दल माजी खासदार लोकनेते रामशेठ ठाकूर आणि आमदार महेश बालदी यांनी प्रदेशाध्यक्ष चव्हाण तसेच पक्षाच्या वरिष्ठ नेतृत्वाचे आभार मानले आहेत. पक्षाने टाकलेला विश्वास प्रामाणिक मेहनत व नियोजनातून निश्चितच सार्थ ठरवू तसेच पक्षाच्या सर्व पदाधिकारी, लोकप्रतिनिधी, कार्यक...

भारत बुद्धी, ज्ञान आणि मूल्यांचा देश - समीरा गुजर-जोशी पनवेल (प्रतिनिधी) भगवद्गीतेत केवळ धार्मिक उपदेश नाही, तर जीवन जगण्याची कला सांगितलेली आहे. कर्तव्य, कर्मयोग, भक्तीयोग आणि ज्ञानयोग यांचा सुंदर समतोल गीतेत दिसतो. कर्तव्य करताना फलाची अपेक्षा  न ठेवणे, धैर्याने संकटांना सामोरे जाणे आणि स्वतःचा धर्म ओळखणे हे संदेश आजही तितकेच महत्त्वाचे आहेत, त्यामुळे भगवदगीता आपल्या संस्कृतीचा आत्मा आहे, असे प्रतिपादन आमदार प्रशांत ठाकूर यांनी आज (रविवार, दि. २१) येथे केले.          देशाचे लोकप्रिय पंतप्रधान नरेंद्र मोदी यांच्या वाढदिवसानिमित्त भारतीय जनता पार्टी पनवेल तालुका, संस्कार भारती पनवेल महानगर, संस्कृत भारती पनवेल यांच्या वतीने श्रीगुरुकुलम् न्यासतर्फे सप्टेंबर महिन्यात श्री. विरुपाक्ष मंगल कार्यालय येथे "श्रीमद् भगवद् गीता पाठ महायज्ञ" संपन्न झाले.  या संस्कारमय कार्यक्रमाच्या अनुषंगाने श्रीमद भगवद गीता पठण स्पर्धेची घोषणा आमदार प्रशांत ठाकूर यांनी केली होती.  विशेष म्हणजे पनवेलमध्ये प्रथमच आयोजन करण्यात आलेल्या या स्पर्धेला उदंड प्...

  महेंद्रशेठ घरत यांनी खासदार बाळ्या मामा यांचेही केले अभिनंदन! उरण दि २१(विठ्ठल ममताबादे )"उरण नगरपालिकेत नगराध्यक्षपदाच्या निवडणुकीत भावना घाणेकरांचा विजय महाविकास आघाडीच्या कार्यकर्त्यांना नवचैतन्य देणारा आहे. ज्या वेळी महाविकास आघाडीत नगराध्यक्षपदाच्या उमेदवाराबाबत प्राथमिक चर्चा सुरू होती, तेव्हाच मी माजी आमदार मनोहर भोईर यांना सांगितले की, भावना घाणेकर टक्कर देणाऱ्या आणि जिंकणाऱ्या उमेदवार आहेत. त्या राजकारणात सक्रिय आहेत, त्या लढाऊ आहेत. त्यामुळे भावना घाणेकरच उमेदवार हव्यात, या निर्णयावर मी ठाम राहिलो. आज तो निर्णय भावना घाणेकरांच्या विजयाने सार्थ ठरला, याचा मला मनस्वी आनंद आहे. त्यामुळे भावना घाणेकर यांचा दणदणीत विजय 'ए तो झाकी, बहोत कुछ बाकी है'. जे म्हणत होते, भावना घाणेकर यांचे डिपॉझिट जप्त होईल. त्यांना भावना घाणेकरांच्या दणदणीत विजयाने 'एकही मारा लेकीन सॉलिड मारा', अशी अवस्था करून ठेवली आहे. उरणमध्ये महाविकास आघाडीच्या सर्वच कार्यकर्त्यांनी, नेत्यांनी खूप मेहनत घेतली. खासदार बाळ्या मामा, अमोल कोल्हे, सुषमा अंधारे यांसारख्या नेत्यांनी प्रचाराच्या अ...

पनवेल : शिक्षण विभाग पंचायत समिती, खालापूर व तालुका गणित–विज्ञान अध्यापक मंडळ यांच्या संयुक्त विद्यमाने आयोजित ५३ वे तालुका विज्ञान प्रदर्शन, खालापूर (२०२५–२६) “विकसित आणि आत्मनिर्भर भारतासाठी STEM” या संकल्पनेअंतर्गत १८ व १९ डिसेंबर २०२५ रोजी पार पडलेल्या प्रदर्शनात जे. एम. म्हात्रे चॅरिटेबल संस्था, पनवेल संचलित हिमांशु दिलीप पाटील इंग्रजी माध्यम शाळा, खालापूर यांनी गणित आणि विज्ञान या विषयांमध्ये  उत्कृष्ट सादरीकरण केल्यामुळे विज्ञान प्रदर्शनामधील चॅम्पियन्स ट्रॉफी मिळवली.           संदिप कराड, गटविकास अधिकारी पं. स. खालापूर,  दीपा परब-गवस, गटशिक्षणाधिकारी पं. स. खालापूर, शिल्पा पवार-दास वरिष्ठ विस्तार अधिकारी पं.स.खालापूर, जे एम म्हात्रे चॅरिटेबल संस्थेच्या ममता प्रितम म्हात्रे व सुनीता दिलीप पाटील या प्रमुख मान्यवर म्हणून बक्षीस समारंभासाठी उपस्थित होत्या. या प्रसंगी प्रमुख पाहुण्यांनी विद्यार्थ्यांचे व शिक्षकांचे कौतुक केले. संस्थेचे अध्यक्ष म्हणून या यशाचा अभिमान असल्याचे माजी विरोधी पक्षनेते प्रीतम म्हात्रे यांनी म्हटले आहे...

  खारघर/प्रतिनिधी-खारघर येथे दिनांक 13 व 14 डिसेंबर रोजी सेक्टर 19 येथील विरंगुळा केंद्रामध्ये प्रभागातील नागरिकांच्या सोयीसाठी आधार कार्ड व मोफत आयुष्यमान भारत कार्ड शिबिराचे आयोजन करण्यात आले होते. या शिबिरात मोठ्या संख्येने प्रभागातील नागरिकांनी संधीचा लाभ घेत जवळपास दीडशे नागरिकांनी आपल्या आधार कार्ड मध्ये पत्त्या,नावामध्ये तसेच फोन नंबर लिंक करणे या सर्व सोयी सुविधांचा लाभ घेतला. खारघर पोस्ट ऑफिसच्या वतीने शून्य ते पाच वयोगटातील लहान मुलांचे देखील नवीन आधार कार्ड बनविण्यात आले. सदर शिबिरामध्ये प्रभागातील वय वर्ष 70 पेक्षा जास्त असलेल्या नागरिकांसाठी मोफत आयुष्यमान भारत कार्ड काढून त्याचे त्वरित वाटप देखील करण्यात आहे. युवाप्रेरणा सामाजिक संस्था ही नेहमीच खारघर मधील विविध सामाजिक, शैक्षणिक, आरोग्याचे प्रश्न घेऊन कार्यरत असते. सामाजिक बांधिलकी जपणे ही काळाची गरज आहे असे या वेळेस युवाप्रेरणा सामाजिक संस्थेचे अध्यक्ष किरण पाटील यांनी सांगितले. भाजपा नगरसेविका नेत्रा किरण पाटील यांनी पनवेलचे आमदार प्रशांतदादा ठाकूर यांनी त्यांचा यावर्षीचा वाढदिवस साजरा करत असताना *प्रेम व्यक्त कर...

  पनवेल (प्रतिनिधी) माजी खासदार लोकनेते रामशेठ ठाकूर यांच्या ७५ वर्ष पूर्तीनिमित्त अर्थात अमृत महोत्सवानिमित्त संपूर्ण वर्षभर समाजहिताचे विविध उपक्रम राबवण्याचा मोठा संकल्प करण्यात आला आहे. या संकल्पाला अनुसरून रयत शिक्षण संस्थेच्या उलवे नोड येथील सौ. शकुंतला रामशेठ ठाकूर सीबीएसई स्कूल येथील विद्यार्थ्यांनी समाजसेवेची सुंदर परंपरा जोपासत माऊली वेलफेअर वृद्धाश्रम नेरुळ व आदिवासी आश्रम शाळा चिरनेर येथे भेट देऊन एक आदर्श सामाजिक उपक्रम पार पाडला.         विद्यार्थ्यांनी ज्येष्ठ नागरिकांसाठी व गरीब व गरजू विद्यार्थ्यांना धान्य, किराणा साहित्य, भाजीपाला, घरगुती आवश्यक वस्तू, स्वच्छता साहित्य, मेडिकल फर्स्ट-एड किट, औषधे, तसेच वस्त्र, उबदार शाल, मोजे, टॉवेल यांसारख्या वस्तूंचे मनापासून संकलन करून वितरण केले. बहुतेक साहित्य हे विद्यार्थ्यांनी स्वतः घरातून, बचतीतून किंवा स्वतःहून गोळा करून दिल्यामुळे या उपक्रमाला एक विशेष भावनिक स्पर्श मिळाला.वृद्धाश्रमात पोहोचताच विद्यार्थ्यांचे ज्येष्ठ नागरिकांनी प्रेमाने स्वागत केले. मुलांनी ज्येष्ठांशी संवाद साधला, ...

  उरण दि १४(विठ्ठल ममताबादे )शैक्षणिक व सामाजिक क्षेत्रात कार्यरत असणारे उरण तालुक्यातील सामाजिक कार्यकर्ते तथा काँग्रेस पक्षाचे निष्ठावंत कार्यकर्ते रामनाथ पंडित यांची रायगड जिल्हा काँग्रेस उपाध्यक्षपदी नियुक्ती करण्यात आली आहे. काँग्रेस पक्षाचे जिल्हाध्यक्ष महेंद्रशेठ घरत यांनी नुकतेच नियुक्तीचे पत्र देऊन रामनाथ पंडित यांचे अभिनंदन केले. रामनाथ पंडित हे काँग्रेस पक्षाचे निष्ठावंत कार्यकर्ते असून त्यांची राज्याचे माजी मुख्यमंत्री कै. बॅ. ए. आर. अंतुले यांच्यावर अपार श्रद्धा आहे. त्यांनी बॅ. ए. आर. अंतुले यांचा आदर्श डोळ्यासमोर ठेवून गोरगरीबांच्या समस्यांना न्याय मिळवून देण्यासाठी सातत्याने प्रयत्न केले. तसेच अनेक आंदोलनात सहभाग घेतला. वृध्दांना मायेचा हात देऊन, त्यांच्या अडीअडचणी सोडविण्यासाठी प्रयत्न केले. त्यांच्या या कार्याची दखल काँग्रेस पक्षाचे जिल्हाध्यक्ष महेंद्रशेठ घरत यांनी घेऊन, आगामी जिल्हा परिषद व पंचायत समिती निवडणुकीच्या पार्श्वभूमीवर रामनाथ पंडित यांची रायगड जिल्हा काँग्रेस उपाध्यक्षपदी नियुक्ती केल्याचे लेखी पत्र देऊन त्यांचा सन्मान केला आहे. यावेळी उपस्थित काँग्र...

  पनवेल : पनवेलला होत असलेल्या आंतरराष्ट्रीय नवी मुंबई विमानतळा प्रमाणेच पनवेल शहरही सामाजिक, शैक्षणिक, भौगोलिक, सांस्कृतिक, औद्योगिक दृष्ट्या आंतरराष्ट्रीय दर्जाचे शहर बनवणार असल्याचे सुतवाच विधान परिषदेतील आमदार विक्रांत पाटील यांनी पनवेल येथे घेण्यात आलेल्या पत्रकार परिषदेमध्ये केले आहे. तसेच नवी मुंबई आंतरराष्ट्रीय विमानतळाचे नामकरणाची बाब ही केंद्राच्या अधिपत्यात असून त्याचा पाठपुरावा निश्चित स्वरूपात महाराष्ट्र शासनाकडून सुरू आहे. त्यामुळे विमानतळाच्या नामकरणाला थोडा विलंब होऊ शकतो असेही यावेळी त्यांनी स्पष्ट केले आहे. विधान परिषदेमधील आमदार विक्रांत पाटील यांनी त्यांच्या वर्षाभराच्या कालावधीत अर्थसंकल्प अधिवेशन पावसाळी अधिवेशन व हिवाळी अधिवेशन या कालावधीमध्ये केलेल्या लोकप्रमुख कामगिरीचा आढावा घेण्यासाठी पनवेल मधील पीस पार्क हॉटेलमध्ये आज पत्रकार परिषदेचे आयोजन केले होते. यावेळी त्यांनी अधिवेशन कालावधील मधील तारांकित प्रश्न, लक्षवेधी, विशेष उल्लेख, अवचित्य मुद्दे, अल्पकालीन चर्चा व अर्धा तास चर्चा यामधील एकूण २५१ प्रश्न हे पनवेल तालुका व महानगर क्षेत्रातील समाजभिमुख व लोकांश...

बहुजन समाजाच्या प्रबोधनाची पायाभरणी महात्मा फुलेंनी केली -अर्थतज्ज्ञ डॉ. भालचंद्र मुणगेकर लोकनेते रामशेठ ठाकूर यांचा विशेष सत्कार पनवेल (प्रतिनिधी) महात्मा ज्योतिराव फुले यांना भारतातील आद्य समाजसुधारक आणि क्रांतिकारी म्हणून गौरविले गेले. बहुजन समाजाच्या प्रबोधनाची पायाभरणी महात्मा फुलेंनीच केली, असे प्रतिपादन ज्येष्ठ अर्थतज्ज्ञ डॉ. भालचंद्र मुणगेकर यांनी सातारा येथे कै. मातोश्री भागुबाई चांगू ठाकूर स्मृती व्याख्यानमालेच्या उद्घाटनावेळी केले. या कार्यक्रमात मराठी अर्थशास्त्र परिषदेच्या वतीने थोर देणगीदार माजी खासदार लोकनेते रामशेठ ठाकूर यांचा विशेष सत्कार करण्यात आला.   सातारा येथील छत्रपती शिवाजी कॉलेजमधील अर्थशास्त्र विभाग आणि मराठी अर्थशास्त्र परिषद यांच्या संयुक्त विद्यमाने आयोजित कै. भागुबाई चांगू ठाकूर स्मृती व्याख्यानमालेचे प्रथम पुष्प  महाराष्ट्रातील एक ख्यातनाम अर्थतज्ज्ञ डॉ. भालचंद्र मुणगेकर यांच्या भारतीय शिक्षण व्यवस्था आणि बहुजन समाज या व्याख्यानाने गुंफले गेले.                      रयत...

    पनवेल : सकल मराठा समाज मंडळ खांदा कॉलनी, पनवेल यांच्या वतीने नव्याने सजविण्यात आलेल्या मराठा भवन कार्यालयाचे उद्घाटन रविवार, दिनांक 7 डिसेंबर 2025 रोजी संघर्ष योद्धा मनोज दादा जरांगे पाटील यांच्या शुभहस्ते संपन्न झाले. या उद्घाटन सोबतच मराठा कृतज्ञता मेळावा आयोजित करण्यात आला होता. याप्रसंगी मनोज दादांच्या मुंबईतील दोन्ही आंदोलनांदरम्यान महाराष्ट्रभरातून आलेल्या मराठा बांधवांची सेवा करण्यात महत्त्वाची भूमिका बजावणाऱ्या सेवाभावी संस्था, स्वयंसेवक व मराठा बांधवांचा सन्मान करून कृतज्ञता व्यक्त करण्यात आली.संघर्ष योद्धा मनोज दादा जरांगे पाटील यांनी मार्गदर्शन करताना मराठा समाजाने एकदिलाने संघटित राहून न्यायाच्या लढ्यात कायम उभे राहणे अत्यंत गरजेचे आहे.आपल्याला मिळणाऱ्या अधिकारांसाठी संघर्ष थांबणार नाही, तो शेवटपर्यंत सुरूच राहील.शिक्षण, रोजगार, व सामाजिक एकजूट हीच खरी ताकद आहे. मराठा समाजातील प्रत्येक तरुणाने स्वतःवर विश्वास ठेवून पुढे यायला हवे. या कार्यक्रमामध्ये सकल मराठा समाज मंडळ खांदा कॉलनीच्या वतीने मनोज दादा जरांगे पाटील यांचा विशेष सत्कार करण्यात आला. समाजातील अनेक...

  महागड्या सिडको घरांवर आमदार विक्रांत पाटील आक्रमक, उपमुख्यमंत्री एकनाथ शिंदेंचे पुनर्विचाराचे निर्देश घरांच्या अवाच्या सव्वा किंमतींवर सिडको अधिकाऱ्यांची झाडाझडती, विक्रांत पाटील यांच्या दणक्याचा परिणाम नवी मुंबई / पनवेल — सिडकोच्या घरांच्या अवास्तव आणि सर्वसामान्यांना न परवडणाऱ्या किंमतींच्या मुद्द्यावर आमदार विक्रांत पाटील यांनी आक्रमक भूमिका घेतल्यानंतर अखेर सिडको प्रशासनाला धक्का बसला आहे. आमदार विक्रांत पाटील यांच्या उपस्थितीत झालेल्या महत्त्वपूर्ण बैठकीत उपमुख्यमंत्री एकनाथ शिंदे यांनी सिडकोला घरांच्या किंमतींचा तात्काळ पुनर्विचार करण्याचे स्पष्ट आदेश दिले.         सिडकोकडून जाहीर करण्यात आलेल्या घरांच्या किंमती या सामान्य मध्यमवर्गीय व गरजू नागरिकांच्या आवाक्याबाहेर असल्याचा मुद्दा आमदार विक्रांत पाटील यांनी ठामपणे मांडला. “परवडणाऱ्या घरांसाठी असलेली योजना हीच जर महाग झाली, तर ती योजना कुणासाठी?” असा थेट सवाल त्यांनी सिडको अधिकाऱ्यांना विचारला.        आमदार विक्रांत पाटील यांनी सिडकोचेच सर्व नियम, ठराव य...

  पनवेल (प्रतिनिधी) गुरुकुल इंटरनॅशनल स्कूलतर्फे आयोजित ‘गुरुकुल ऑलिम्पिक्स २०२५–२६’ या थ्रो-बॉल स्पर्धेत रयत शिक्षण संस्थेच्या उलवे नोड येथील सौ. शकुंतला रामशेठ ठाकूर स्कूलच्या संघाने उल्लेखनीय कामगिरी केली. त्याबद्दल रयत शिक्षण संस्थेचे मॅनेजिंग कौन्सिल सदस्य व माजी खासदार लोकनेते रामशेठ ठाकूर यांच्या हस्ते अभिनंदन करण्यात आला. क्रीडा शिक्षक संग्राम फोफेरकर यांच्या मार्गदर्शनाखाली खेळणाऱ्या १४ वर्षाखालील मुलांच्या संघाने प्रथम क्रमांक मिळवून विजेतेपद पटकावले. या यशाबद्दल विद्यार्थी संघाचे स्कूल मॅनेजमेंट कमिटीतर्फे अभिनंदन करण्यात आले. या प्रसंगी रयत शिक्षण संस्थेचे जनरल बॉडी सदस्य वाय. टी. देशमुख, आरटीपीएस खारघरच्या मुख्याध्यापिका राज अलोनी, लोकनेते रामशेठ ठाकूर स्कूलच्या मुख्याध्यापिका स्वप्नाली म्हात्रे, सीबीएसईचे मुख्याध्यापक अविनाश कुलकर्णी, रायगड विभागीय पीआरओ बाळासाहेब कारंडे, ऍड. राहुल घरत, तसेच शकुंतला रामशेठ ठाकूर स्कूलच्या मुख्याध्यापिका मुक्ता खटावकर आदी मान्यवर उपस्थित होते.

  नविन पनवेल रेल्वे स्थानक परिसरातील पंचशील नगर झोपडपट्टीमध्ये गुरुवार दिनांक ११ डिसेंबर रोजी दुपारी १२ वाजता सिलिंडरचा स्फोटामुळे आग लागून चार ते पाच झोपड्या खाक झाल्याचे येथील नागरिकांकडून बोलले जात आहे. आगीचा भडका मोठ्या प्रमाणात उडाल्याने पंचशील नगर झोपडपट्टीच्या वरुन महावितरणची उच्च दाबाच्या विद्युत वाहिनीच्या काही तारा तुटल्या गेल्या.यामुळे या परिसरात मोठ्या प्रमाणात गोंधळ उडला.आग दुपारच्या वेळेस असल्याने नागरीकांनी लगेच धावपळ केली.तसेच वाहतूक पोलिसांनी अभ्युदय बँक ते रेल्वे स्थानक परिसरातील मुख्य रस्ते बंद केले होते.यामुळे येथे कुठल्याही प्रकारची जिवितहानी झाली नाही.येथिल आग लागलेल्या झोपडपट्टीमध्ये लाकडाचे सामान मोठ्या प्रमाणात होते.यामुळे आगीचा भडका मोठ्या प्रमाणात झाला.तसेच झोपडपट्टी मागे नविन पे अँड पार्किंग मधील सात ते आठ दुचाकी वाहनांचे नुकसान झाले आहे.आगीची माहिती मिळतच अग्निशमन दलाने वेळीच येऊन पाण्याच्या फवारे मारुन आगीवर नियंत्रण मिळून आग विझली.या आगीमुळे महापालिकेच्या कारभारावर काही प्रश्न निर्माण होत आहेत उच्च दाबाच्या विद्युत वाहिन्यांखाली झोपडपट्ट्या असणे हे ...

  पनवेल, दि.०६ : भारतरत्न डॉ. बाबासाहेब आंबेडकर यांच्या महापरिनिर्वाण दिनानिमित्त महापालिकेच्या वतीने  आमदार प्रशांत ठाकूर यांच्या प्रमुख उपस्थितीत त्यांच्या स्मारक ठिकाणी पुष्पहार अर्पण करून अभिवादन करण्यात आले.       यावेळी अतिरिक्त आयुक्त गणेश शेटे, सहाय्यक संचालक (नगररचना) केशव शिंदे,  उपायुक्त डॉ. वैभव विधाते,  उपायुक्त प्रसेनजित कारलेकर, उपायुक्त मंगल माळवे, उपायुक्त स्वरूप खारगे, मुख्य लेखा व वित्त अधिकारी मंगेश गावडे, मुख्य लेखा परीक्षक निलेश नलावडे,  शहर अभियंता संजय कटेकर, कार्यकारी अभियंता विलास चव्हाण माजी महापौर डॉ. कविता चौतमोल,  माजी नगरसेवक, महापालिका अधिकारी व कर्मचारी, नागरिक मोठ्या संख्येने उपस्थित होते.या प्रसंगी मार्गदर्शन करताना आमदार प्रशांत ठाकूर म्हणाले, भारतरत्न डॉ. बाबासाहेब आंबेडकरांनी दिलेले योगदान महत्त्वपुर्ण होते. भारतरत्न डॉ. बाबासाहेब आंबेडकर यांच्या पुतळ्यास वंदन करताना हा फक्त अभिवादनाचा क्षण नाही, तर एका क्रांतिकारी विचारवंताच्या आदर्शांना पुनःश्रद्धांजली अर्पण करण्याची संधी आहे. असा महापुरुष ...

  खारघर/प्रतिनिधी दि.७- रामशेठ ठाकूर पब्लिक स्कूल खारघर यांच्या हिट्स डे या कार्यक्रमासाठी प्रमुख अतिथी म्हणून श्री किरण प्रकाश पाटील अध्यक्ष खारघर स्पोर्ट्स अकॅडमी यांना बोलवण्यात आले होते. आज या मैदानी खेळांच्या कार्यक्रमाला सुरुवात करण्यात आली. सदर प्रसंगी उपस्थित राहत सहभागी विद्यार्थ्यांना विविध स्पर्धांसाठी शुभेच्छा दिल्या. रामशेठ ठाकूर पब्लिक स्कूलच्या वतीने विशेषतः संस्थेचे चेअरमन लोकनेते रामशेठ ठाकूर साहेब हे नेहमीच खेळाडूंना पाठबळ देत मदत करत असतात रामशेठ ठाकूर पब्लिक स्कूल ची विद्यार्थिनी व आमच्या प्रभागातील रहिवाशी स्वस्तिका घोष ही आज आंतरराष्ट्रीय स्तरावर टेबल टेनिसपटू म्हणून खेळत आहे याचा सार्थ अभिमान आम्हा सर्वांनाच आहे. रामशेठ ठाकूर पब्लिक स्कूल चे नाव राज्यपातळीवरच नव्हे तर देश पातळीवर नेण्याचं काम माननीय प्राचार्य राज अलोनी मॅडम व त्यांचे सर्व सहकारी करत आहेत.

  जनार्दन भगत शिक्षण प्रसारक संस्थेच्या चांगु काना ठाकूर आर्टस् , कॉमर्स अँड सायन्स कॉलेज न्यू पनवेल (अधिकारप्रदत्त स्वायत्त) आणि मुंबई विद्यापीठ यांच्या समन्वयाने आंतर महाविद्यालयीन बॉक्सिंग स्पर्धा आयोजित करण्यात आली होती.           या आंतर-महाविद्यालयीन बॉक्सिंग स्पर्धेचे उद्‌घाटन जनार्दन भगत शिक्षण प्रसारक संस्थेचे कार्यकारी मंडळाचे संचालक तसेच पनवेल महानगरपालिका माजी सभागृह नेते परेश ठाकूर यांच्या हस्ते करण्यात आले.त्याचबरोबर चांगु काना ठाकूर आर्टस्, कॉमर्स अँड सायन्स कॉलेजचे प्राचार्य व मुंबई शहर झोन-१चे उपाध्यक्ष मा. प्रो. डॉ. एस.के.पाटील यांनी खेळाडूंना मार्गदर्शन केले. त्याचबरोबर मुंबई शहर झोन-१ सचिव डॉ.मनोज वर्मा , मुंबई शहर झोन-१ स्पर्धा सचिव डॉ. व्ही. बी. नाईक व मुंबई उपनगर सचिव डॉ. निलम पाटील यांची उपस्थिती लाभली.   या स्पर्धेमध्ये मुंबई विद्यापीठातील ४२२ विद्यार्थ्यांनी सहभाग नोंदविला होता. तसेच पुरुषांमध्ये प्रथम सर्वात्कृष्ट खेळाडूचे स्थान ठाकूर महाविद्यालय, कांदिवली, द्वितीय स्थान आर.जे. महाविद्यालय, घाटकोपर आणि तृतीय स्थान के. ...

  महेंद्रशेठ घरत यांचे वारकरी सांप्रदायिक प्रसारक मंडळाला ५१ हजारांचे साह्य उरण दि ३(विठ्ठल ममताबादे )"वारकरी, मंदिरे, शाळा, क्रिकेट, कलावंत आणि दीन-दुबळे, गरजवंत यांना साह्य करणे मी माझे कर्तव्य समजतो. जिल्ह्यात किंबहुना महाराष्ट्रात मंदिरांना आणि वारकरी मंडळींना सहकार्य करण्यात मी कधीही हात आखडता घेतला नाही. महाराष्ट्र ही संतांची भूमी आहे आणि वारकरी हे या भूमीचे पाईक आहेत. ते तुकोबा, ज्ञानोबा, विठ्ठल-रखुमाईचे निस्सीम भक्त आहेत. त्यामुळे वारकरी हा माझा श्रद्धेचा विषय आहे. आषाढी-कार्तिकीला मी पंढरपूरला आवर्जून जातो. तेथे गेल्यानंतर जे समाधान मिळते ते अफलातून असते. वारकरी बांधव हे संस्कृती रक्षक आहेत. त्यांच्या भजन-कीर्तनाच्या परंपरेने महाराष्ट्राचे नाव जगात अभिमानाने घेतले जाते. पाय जमिनीवर ठेवून मातीशी घट्ट नाते असलेल्या वारकऱ्यांचे योगदान महाराष्ट्र या संत भूमीत अनन्यसाधारण आहे," असे आंतरराष्ट्रीय कामगार नेते आणि कॉंग्रेसचे रायगड जिल्हाध्यक्ष महेंद्रशेठ घरत मंगळवारी (ता. २) मोहोपाडा येथे म्हणाले.   रिस येथील निवृत्ती महाराज मुंढे म्हणाले, "वारकरी सांप्रदायासाठी सढळ हात...

  दिव्यांग पालकांच्या मुलांना शालेय फीमध्ये ५० टक्के सवलत! दिव्यांगांना सहकार्याबाबत माझे झुकते माप : महेंद्रशेठ घरत उरण दि ३(विठ्ठल ममताबादे )"दिव्यांगांना सन्मानाने जगण्याचा अधिकार आहे. मी दिव्यांगांबाबत नेहमीच सकारात्मक भूमिका घेतली आहे. गव्हाण पंचक्रोशीतील अनेक दिव्यांगांना मी मदतीचा हात दिला आहे. ज्या दिव्यांग पालकांची मुले आमच्या 'यमुना सामाजिक संस्थे'च्या न्यू इंग्लिश स्कूलमध्ये शिक्षण घेत आहेत त्यांना फीमध्ये ५० टक्के सवलत दिली जाईल. दिव्यांगांचे प्रश्न वेगळे आहेत; परंतु अडीअडचणीला 'सुखकर्ता'चा दरवाजा त्यांच्यासाठी खुला आहे. कारण दिव्यांगांना मदत करताना मी झुकते माप देतो," असे मत आंतरराष्ट्रीय कामगार नेते आणि कॉंग्रेसचे रायगड जिल्हाध्यक्ष महेंद्रशेठ घरत यांनी गव्हाण येथे जागतिक अपंग दिनानिमित्त आयोजित कार्यक्रमात व्यक्त केले. गव्हाण येथील शांतादेवी दिव्यांग सामाजिक विकास संस्थेतर्फे बुधवारी जागतिक अपंग दिन साजरा करण्यात आला. यावेळी प्रमुख पाहुणे म्हणून महेंद्रशेठ घरत, माजी उपसरपंच सचिन घरत, ग्रामसेवक विजयकुमार राठोड, ऍड.रेखा चिरनेरकर आदी मान्यवर उपस्थि...

  सिन्नर (प्रतिनिधी) विद्यार्थ्यांसाठी उत्तम शैक्षणिक सुविधा उपलब्ध करून देण्याच्या आपल्या सामाजिक बांधिलकीतून थोर देणगीदार माजी खासदार लोकनेते रामशेठ ठाकूर यांनी सिन्नर तालुक्यातील दोन शैक्षणिक संस्थांसाठी एकूण ३५ लाख रुपयांची देणगी दिली आहे. रयत शिक्षण संस्थेचे मॅनेजिंग कौन्सिल सदस्य रामशेठ ठाकूर यांनी ठाणगाव येथील पुंजाजी रामजी भोर विद्यालय आणि डॉ. अण्णासाहेब शिंदे कनिष्ठ महाविद्यालय या संस्थांसाठी नवीन इमारत बांधकामासाठी २५ लाख रुपये तर सिन्नर तालुक्यातील पांगरी येथील श्री संत हरीबाबा विद्यालयसाठी १० लाख रुपये इतकी देणगी प्रदान केली आहे. ही देणगी ठाकूर इन्फ्रा प्रोजेक्ट्स यांच्या सीएसआर फंडातून करण्यात आली असून, बुधवारी लोकनेते रामशेठ ठाकूर यांच्या हस्ते धनादेश विद्यार्थ्यांच्या हितासाठी संस्थांना दिला गेला. यावेळी पुंजाजी रामजी भोर विद्यालयाचे मुख्याध्यापक काशिनाथ लक्ष्मण तळपाडे आणि डॉ. अण्णासाहेब शिंदे कनिष्ठ महाविद्यालयाचे मुख्याध्यापक राजेंद्र चंद्रभान काकड उपस्थित होते.लोकनेते रामशेठ ठाकूर यांच्या या उदार योगदानामुळे ग्रामीण भागातील विद्यार्थी आधुनिक आणि सुसज्ज इमारतींमध्य...

शुक्रवार, दिनांक ७ नोव्हेंबर २०२५ रोजी “वंदे मातरम्” या आपल्या राष्ट्रगीतास १५० वर्षे पूर्ण झाल्याच्या औचित्याने राष्ट्रीय बौद्धिक दिव्यांगजन सशक्तीकरण संस्था (NIEPID), प्रादेशिक केंद्र, नवी मुंबई येथे विविध सांस्कृतिक, देशभक्तिपर व शैक्षणिक कार्यक्रमांचे आयोजन करण्यात आले.       हा संपूर्ण उपक्रम डॉ. रवी प्रकाश सिंग, प्रभारी अधिकारी, राष्ट्रीय बौद्धिक दिव्यांगजन सशक्तीकरण संस्था (NIEPID) प्रादेशिक केंद्र, नवी मुंबई यांच्या मार्गदर्शनाखाली आयोजित करण्यात आला.कार्यक्रमाची सुरुवात बौद्धिक दिव्यांग विद्यार्थी, त्यांच्या पालक, प्रशिक्षणार्थी शिक्षक, व्याख्याते व कर्मचारी वर्ग यांच्यासाठी पंतप्रधान श्री. नरेंद्र मोदी यांच्या “वंदे मातरम् १५० वर्षे” या विषयावर आयोजित थेट प्रक्षेपण (Live Streaming) दाखवून करण्यात आली. विद्यार्थ्यांनी आणि प्रशिक्षणार्थ्यांनी अत्यंत उत्साहाने हे थेट प्रक्षेपण पाहिले व त्यातून देशभक्तीचे, राष्ट्राभिमानाचे संदेश आत्मसात केले.          थेट प्रक्षेपणानंतर, संस्थेच्या परिसरातून उत्सव चौक मेट्रो स्थानकापर्यंत भव्य रॅलीचे आयोजन क...

  पनवेल/प्रतिनिधी,दि.३- आज मंगळवार दिनांक २/१२/२०२५ रोजी कमल गौरी हिरु पाटील शिक्षण संस्थेचे दत्तात्रय (दत्ता म्हात्रे) वस्तीगृहाचे उदघाटन संस्थेचे  चेरमन श्री.बबन दादा पाटील याच्या हस्ते करण्यात आले . या वस्तीगृह मध्ये  बाळासाहेब ठाकरे विधी विद्यालय, बबन दादा पाटील कॉलेज ऑफ फार्मसी  व बबन दादा पाटील कॉलेज ऑफ नर्सिंग, बबन दादा पाटील कॉलेज ऑफ फिजिओथेरपी या कॉलेज च्या विद्यार्थांची दूरवरून येणाऱ्या राहण्याची सोय होत नव्हती. म्हणून येणाऱ्या विद्यार्थ्यांची राहण्याची सोय संस्थेने स्वतःचे वस्तीगृह बांधून केली आहे . यावेळी उपजिल्हा अध्यक्ष संसंस्थचे संचालक रामदास पाटील , गणेश पाटील , कैलास पाटील , स्मित भोईर , अनुसया बबन पाटील ,विष्णू नामदेव म्हात्रे , बबन केणी ,शंकर सेठ ,विजया केणी ,बाबू पाटील विशाल केणी , मुरलीधर म्हात्रे , रमाकांत म्हात्रे , राजा खुटलें,बाळा म्हात्रे,अपर्णा भोईर , शिनगारे सर ,डॉ.कांबळे सर ,महाजन सर ,आदी उपस्तिथ होते.