भाजपा पदाधिकाऱ्यांच्या प्रयत्नांमुळे खारघरमधील रस्त्यांचे सिडकोकडून रिसर्फेसिंग

खारघर (प्रतिनिधी) -सन २०१६  पासून खारघर भाजपा पदाधिकारी सातत्याने  खारघर शहरातील रस्त्यांच्या संदर्भात  रिसर्फेसिंग  करण्याबाबत सिडकोकडे पाठपुरावा करत होते.अनेक ठिकाणांचे सिडको अधिकार्‍यांसोबत संयुक्तपणे सर्वेक्षण करण्यात आले.त्यास यश येऊन खारघर शहरातील रस्त्यांचे २०१९ पासून रिसर्फेसिंग करण्यात येत आहे.             असे असले तरी अनेक ठिकाणी   दहा बारा वर्षांपूर्वी झालेल्या रस्त्यांची  दुरावस्था लक्षात घेऊन २०२१ च्या पावसाळ्यापूर्वी त्याही रस्त्यांची डागडुजी करून ते मोटरेबल(कार चालवण्या योग्य) करावेत यासाठी सातत्याने पाठपुरावा करण्यात आला.या मागणीला अनुसरून खारघरमध्ये अनेक ठिकाणी  चौकांमध्ये डांबरीकरणाची कामे चालू झाली आहेत.याच कामाअंतर्गत प्रभाग ४ मधील सेक्टर २० व सेक्टर २१ मधील  रस्त्यांच्या दुरावस्थे बाबत एक पत्र खारघर तलोजा  मंडल अध्यक्ष श्री.  ब्रिजेश पटेल व उपाध्यक्ष  दिलीप जाधव यांनी सिडको अधिकार्‍यांना दिले होते.सदर सुरवात झाली असून त्या कामाची पाहणी काल करण्यात आली व आवश्यक सूचना करण्यात आल्या.पावसाळ्यापूर्वी हि कामें करण्यात येतील असे सिडको अधिकार्‍यांनी चर्चा करतांना सांगितले.