मराठा समाजाच्या आरक्षणाबाबत किल्ले रायगडच्या राजसदरेवरून छ. संभाजी राजे यांचा सरकारला इशारा

रायगड (प्रतिनिधी)  :   आज 348 वा शिवराज्याभिषेक दिन मोजक्याच शिवप्रेमींच्या उपस्थितीत साजरा करण्यात आला.  यावेळी युवराज छ. खा. संभाजी राजे यांनी मराठा आरक्षणाच्या मुद्द्यावर आक्रमक भुमीका मांडली.  लोकप्रतिनिधी, सरकार यांना लक्ष करीत गोरगरीब मराठा समाजाची बाजु संभाजी यांनी यावेळी मांडली.  राजकरण करू नका असा सल्ला लोक प्रतिनिधींना देत 16 जुन रोजी शाहू महाराजांच्या समाधी स्थळावरून आंदोलनची घोषणाही त्यांनी केली.  लोकप्रतिनिधी आणि सरकारला धारेवर धरत खा. संभाजी राजे यांनी पुणे मुंबई लाँग मार्चचा इशारा दिला.  यावेळी लाठी मारायची असेलतर पहिली लाठी छत्रपतींच्या वंशजांना मारायला लागेल असे हि त्यांनी यावेळी जाहिरपणे किल्ले रायगडच्या राजसदरेवरून सांगितले. यावेळी रायगडवरील रहिवाशी विठ्ठल औकिरकर यांचा सत्कार करण्यात आला.  या औकिरकर कुटूंबीयांनी आपल्या देवघरात पिढ्यान पिढ्या पुजेसाठी ठेवलेले अस्सल सोन्याचा होन दिल्या बद्दल हा सत्कार करण्यात आला.