लोकनेते रामशेठ ठाकूर यांच्या वाढदिवसानिमित्त शुभेच्छांचा वर्षाव

पनवेल(प्रतिनिधी)  महापूर असो वा कोरोना वैश्विक महामारी किंवा कुठलीही आपत्ती या सर्व परिस्थितीत लोकांना भरघोस मदत करणारे दानशूर व्यक्तिमत्व लोकनेते रामशेठ ठाकूर यांचे वाढदिवसानिमित्त सामाजिक, शैक्षणिक, कला, क्रीडा, राजकीय, सांस्कृतिक अशा विविध क्षेत्रातील मान्यवरांनी पदाधिकारी, कार्यकर्त्यांनी, नागरिकांनी अभिष्टचिंतन करून शुभेच्छांचा वर्षाव केला.         कोरोना वैश्विक महामारीच्या अनुषंगाने वाढदिवस घरगुती व साध्यापणाने साजरा झाला असला तरी सामाजिक माध्यम, दुरध्वनी माध्यमातून हजारो जणांनी लोकनेते रामशेठ ठाकूर यांना वाढदिवसानिमित्त निरोगी दीर्घायुष्याचा शुभेच्छा दिल्या. राज्याचे विधानसभा विरोधी पक्षनेते माजी मुख्यमंत्री देवेंद्र फडणवीस, माजी मुख्यमंत्री सुशिलकुमार शिंदे, राज्याचे गृहमंत्री दिलीप वळसे पाटील, विधानपरिषदेचे विरोधी पक्षनेते प्रविण दरेकर, माजी मंत्री रविंद्र चव्हाण, माजी खासदार डॉ. संजीव नाईक, आमदार सुधाकर भालेराव, आमदार मंदाताई म्हात्रे, प्रांत अधिकारी दत्तात्रेय नवले, महापौर डॉ. कविता चौतमोल, आयुक्त सुधाकर देशमुख यांच्यासह लोकप्रतिनिधी,  सामाजिक, शैक्षणिक, कला, क्रीडा, राजकीय, सांस्कृतिक तसेच विविध संस्था, संघटनांच्या पदाधिकारी व कार्यकर्त्यांनी शुभेच्छा दिल्या.        लोकनेते रामशेठ ठाकूर यांच्या ७० व्या वाढदिवसानिमित्त श्री. रामशेठ ठाकूर सामाजिक विकास मंडळ आणि भारतीय जनता पक्ष पनवेलतर्फे पनवेल तालुका व महानगरपालिका क्षेत्रातील तब्बल ०१ लाख कुटुंबांना सामाजिक बांधिलकीतून जीवनावश्यक वस्तूं असलेल्या रेशन किटचे वाटप होत आहे.         लोकनेते रामशेठ ठाकूर यांच्या मार्गदर्शनाखाली वर्षभर विविध समाजोपयोगी उपक्रम राबविले जातात. सध्या कोरोना महामारीचे संकट असल्याने मागील वर्षीप्रमाणे यंदाही गरजूंना अन्नधान्य जीवनावश्यक वस्तूंचे वाटप सुरु आहे. भाजपचे उत्तर रायगड जिल्हा अध्यक्ष आमदार प्रशांत ठाकूर आणि उरणचे आमदार महेश बालदी यांच्या मार्गदर्शनाखाली आणि भाजप तालुकाध्यक्ष अरुणशेठ भगत, शहराध्यक्ष जयंत पगडे  यांच्या सुयोग्य नियोजनातून तालुक्यातील गावागावांमध्ये तसेच शहरांमध्ये गरजूंना अन्नधान्याचे वाटप करण्यात येत आहे.  कोरोना महामारीच्या काळात अत्यंत संवेदनशीलपणे दखल घेवून या उपक्रमाचे आयोजन केले आहे. अशा पद्धतीने एका वेळी ०१ लाख गरजू कुटूंबांना धान्य वाटप करून वाढदिवस साजरा करणारे माजी खासदार लोकनेते रामशेठ ठाकूर हे देशातील बहूदा एकमेव व्यक्तिमत्व असणार आहेत. त्यामुळे लोकनेते रामशेठ ठाकूर यांच्या रुपात आजच्या जगात देखील जीवंत माणसांत देव पहायाला मिळाल्याची भावना तसेच  त्यांना दीर्घायुष्य लाभो अशी सदिच्छा व्यक्त नागरिकांकडून गावोगावी आणि शहरात होत आहे.