पनवेल, दि.5 (वार्ताहर) ः टाटा इंडिगो गाडी घेवून जात असलेल्या चालकास दुसर्‍या गाडीची ठोकर बसल्याने झालेल्या वादावादीतून काही जणांनी सदर चालकाला मारहाण केल्याची घटना तळोजा फेज-01 सेक्टर 10 मधील भुयारी मार्गाच्या जवळ घडली आहे.
मोहम्मद सर्फराज एकराम शेख (33 रा.तळोजा) हे त्यांच्या ताब्यातील टाटा इंडिगो गाडी घेवून तळोजा फेज-1 येथे घरी येत असताना उजव्या बाजूला वळण घेत असताना डाव्या बाजूने ओव्हरटेक करणार्‍या होंडा गाडीची ठोकर त्यांच्या गाडीच्या डाव्या बाजूस लागून अपघात झाला. यावेळी त्यांची दुसर्‍या गाडीतील विरोधकांबरोबर बाचाबाची झाली. रागाच्या भरात विरोधकांनी त्यांच्या गाडीतून हॉकिस्टीक काढून मोहम्मद शेख यांना मारहाण केली तसेच त्यांचा मोबाईल फोडून टाकला व त्यांच्या गाडीच्या दरवाजाच्या काचा फोडून त्यांच्या गाडीचे नुकसान केले. याबाबतची तक्रार तळोजा पोलीस ठाण्यात देण्यात आली आहे.
खारघर : किरण गिते यांच्या वाढदिवसासाठी प्रमुख उपस्थिती माजी नगरसेवक व खारघर कॉलनी अध्यक्षा श्रीमती लीना अर्जुन गरड आणि सर्व संत वामन भाऊ भगवानबाबा सेवाभावी संस्था सदस्य यांच्या उपस्थितीत वाढदिवस साजरा करण्यात येणार आहे . खारघर कॉलनी अध्यक्षा श्रीमती लीना अर्जुन गरड यांच्याकडून किरण अण्णासाहेब गिते यांचा सत्कार करण्यात येणार आहे . वाढदिवसानिमित्त विविध उपक्रम आयोजित केले आहे . या उपक्रमामध्ये २५ ऑगस्ट २०२३ रोजी लाइव्ह ऑर्केस्ट्रा संध्याकाळी ६ :३० वाजता घेण्यात येणार असून संध्याकाळी साडेआठ वाजता नंतर केक कापून स्नेहभोजनाचा कार्यक्रम आयोजित केला आहे . सर्व उपक्रमाचे ठिकाण आचार्य अत्रे गार्डन, प्लॉट नं.13, सेक्टर-21, खारघर येथे आयोजित केले आहे . सर्व नागरिकांनी उपस्थित राहून उपक्रमाचे शोभा वाढवण्यात यावी .
Comments
Post a Comment